قازاقستان رەسپۋبليكاسى اۋىل شارۋاشىلىعى مينيسترلىگىنىڭ بۇيرىعى  №18-03/1010

  2015 جىلعى 18 قاراشا, استانا قالاسى جانۋارلار دۇنيەسىن پايدالانعانى ءۇشىن تولەماقى مولشەرلەمەلەرىن ايقىنداۋ ادىستەمەسىن بەكىتۋ تۋرالى «جانۋارلار دۇنيەسىن قورعاۋ, ءوسىمىن مولايتۋ جانە پايدالانۋ تۋرالى» قازاقستان رەسپۋبليكاسىنىڭ 2004 جىلعى 9 شىلدەدەگى زاڭىنىڭ 9-بابى 1-تارماعىنىڭ 7) تارماقشاسىنا سايكەس بۇيىرامىن: 1. قوسا بەرىلىپ وتىرعان جانۋارلار دۇنيەسىن پايدالانعانى ءۇشىن تولەماقى مولشەرلەمەلەرىن ايقىنداۋ ادىستەمەسى بەكىتىلسىن. 2. قازاقستان رەسپۋبليكاسى اۋىل شارۋاشىلىعى مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتى زاڭنامادا بەلگىلەنگەن تارتىپپەن: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىنىڭ مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن; 3) وسى بۇيرىقتىڭ قازاقستان رەسپۋبليكاسى اۋىل شارۋاشىلىعى مينيسترلىگىنىڭ ينتەرنەت-رەسۋرسىندا ورنالاس­تىرىلۋىن قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسى اۋىل شارۋاشىلىعى ۆيتسە-مينيسترىنە جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسى اۋىل شارۋاشىلىعى ءمينيسترى ا. مامىتبەكوۆ «كەلىسىلگەن» قازاقستان رەسپۋبليكاسى قارجى ءمينيسترى _____________ ب. سۇلتانوۆ 2015 جىلعى 23 جەلتوقسان قازاقستان رەسپۋبليكاسى اۋىل شارۋاشىلىعى ءمينيسترىنىڭ 2015 جىلعى 18 قاراشاداعى № 18-03/1010 بۇيرىعىمەن بەكىتىلگەن جانۋارلار دۇنيەسىن پايدالانعانى ءۇشىن تولەماقى مولشەرلەمەلەرىن ايقىنداۋ ادىستەمەسى 1. جالپى ەرەجەلەر 1. وسى جانۋارلار دۇنيەسىن پايدالانعانى ءۇشىن تولەماقى مولشەرلەمەلەرىن ايقىنداۋ ادىستەمەسى (بۇدان ءارى – ادىستەمە) «جانۋارلار دۇنيەسiن قورعاۋ, ءوسiمiن مولايتۋ جانە پايدالانۋ تۋرالى» 2004 جىلعى 9 شىلدەدەگى قازاقستان رەسپۋبليكاسى زاڭىنىڭ (بۇدان ءارى – زاڭ) 9-بابىنىڭ 1-تارماعىنىڭ 7) تارماقشاسىنا سايكەس ازiرلەندi جانە جانۋارلار دۇنيەسىن پايدالانعانى ءۇشىن تولەماقى مولشەرلەمەلەرىن ايقىنداۋ ءۇشىن قولدانىلادى. 2. جانۋارلار دۇنيەسىن پايدالانعانى ءۇشىن تولەماقى مولشەرلەمەلەرىن ايقىنداۋ: 1) ولجالاۋدىڭ نورماتيۆىك ءليميتى – زاڭنىڭ 9-بابى 1-تارماعىنىڭ 5) تارماقشاسىنا سايكەس ۋاكىلەتتى ورگان بەكىتەتىن اڭ اۋلاۋ وبەكتىلەرى بولىپ تابىلاتىن جانۋارلار تۇرلەرىن الۋ نورماتيۆتەرى; 2) ولجالاۋ جانە جانۋارلاردىڭ ءوسىم كوەففيتسيەنتى; 3) جانۋارلار سانى (مەكەندەۋ ورتاسىنان الىنعان جانۋارلار, ولاردىڭ بولىكتەرى مەن دەريۆاتتارى) نەگىزىندە جۇرگىزىلەدى. 3. سيرەك كەزدەسەتiن جانە جويىلىپ كەتۋ قاۋپi تونگەن جانۋارلار تۇرلەرiن پايدالانعانى ءۇشىن تولەماقىنى ءاربiر جەكەلەگەن جاعدايدا وسى جانۋارلاردى تابيعي ورتادان الۋعا رۇقسات بەرۋ ءۇشىن قازاقستان رەسپۋبليكاسىنىڭ ۇكiمەتi بەلگiلەيدi. 4. مىناداي جاعدايلاردا: 1) جانۋارلاردى تابيعي ورتادان عىلىمي-زەرتتەۋ جانە شارۋاشىلىق ماقساتتارىندا ەن سالۋ, ساقينا سالۋ, كوشiرۋ, جەرسiندiرۋ, جاساندى ءوسىرۋ جانە بۋدانداستىرۋ ماقساتتارى ءۇشiن ۇستاپ الىپ, كەيiننەن تابيعي ورتاعا جiبەرگەن كەزدە; 2) جەكە جانە زاڭدى تۇلعالاردىڭ مەنشىگى بولىپ تابىلاتىن, جاساندى جولمەن وسىرىلگەن ءارى قاماۋدا جانە (نەمەسە) جارتىلاي قاماۋدا ۇستالاتىن جانۋارلار دۇنيەسىنىڭ وبەكتىلەرىن پايدالانعان كەزدە; 3) جانۋارلار دۇنيەسiن قورعاۋ, ءوسىمىن مولايتۋ جانە پايدالانۋ سالاسىنداعى ۋاكiلەتتi مەملەكەتتىك ورگان بالىق رەسۋرستارىن جانە سۋ جانۋارلارىنىڭ باسقا دا تۇرلەرىن پايدالانۋعا ارنالعان بيولوگيالىق نەگىزدەۋ ماقساتىندا بالىقتار مەن باسقا دا سۋ جانۋارلارىن باقىلاۋ ءۇشىن اۋلاۋدى جۇزەگە اسىرعان كەزدە; 4) ەل دەنساۋلىعىن قورعاۋ, اۋىل شارۋاشىلىعى جانە باسقا دا ءۇي جانۋارلارىن اۋرۋدان ساقتاۋ, اۋىلشارۋاشىلىق جانە باسقا دا ءۇي جانۋارلارىن جۇقپالى اۋرۋدان ساقتاۋ, قورشاعان ورتاعا كەلتىرىلگەن زالالعا جول بەرمەۋ, اۋىل شارۋاشىلىعى قىزمەتىنە ايتارلىقتاي زالال كەلتىرۋ قاۋپىنىڭ الدىن الۋ ماقساتىندا سانى رەتتەلۋگە ءتيىس جانۋارلار تۇرلەرىن العان كەزدە تولەماقى الىنبايدى. 2. جانۋارلار دۇنيەسىن (تۇياقتى جانۋارلار) پايدالانعانى ءۇشىن تولەماقىنى ايقىنداۋ 5. اڭشىلىق وبەكتىلەرىن (تۇياقتى جانۋارلار) پايدالانعانى ءۇشىن تولەماقى مولشەرى تومەندە كەلتىرىلگەن فورمۋلا بويىنشا ايقىندالادى: ستج = ن x جوك x وك ح جس, مۇندا: جوك – جانۋارلاردىڭ ءوسىم كوەففيتسيەنتى; ستج – تولەماقى مولشەرى تۇياقتى جانۋارلار; وك – ولجالاۋ كوەففيتسيەنتى; ن – ولجالاۋدىڭ ءنورماتيۆتى ءليميتى; جس – جانۋارلار سانى. 3. اڭشىلىق وبەكتىلەرىن (جىرتقىش جانە تەرىسى باعالى جانۋارلار) پايدالانعانى ءۇشىن تولەماقى مولشەرىن ايقىنداۋ 6. اڭشىلىق وبەكتىلەرىن (جىرتقىش جانە تەرىسى باعالى جانۋارلار) پايدالانعانى ءۇشىن تولەماقى مولشەرىن تومەندە كەلتىرىلگەن فورمۋلا بويىنشا ايقىندالادى: سجتبج = ن x جوك x وك ح جس, مۇندا: سجتبج – تولەماقى مولشەرى جوك – جانۋارلاردىڭ ءوسىم كوەففيتسيەنتى; (جىرتقىش جانە تەرىسى باعالى جانۋارلار); وك – ولجالاۋ كوەففيتسيەنتى; ن – ولجالاۋدىڭ ءنورماتيۆتى ءليميتى; جس – جانۋارلار سانى. 4. اڭشىلىق وبەكتىلەرىن (قۇستار) پايدالانعانى ءۇشىن تولەماقى مولشەرىن ايقىنداۋ 7. اڭشىلىق وبەكتىلەرىن (قۇستار) پايدالانعانى ءۇشىن تولەماقى مولشەرى تومەندە كەلتىرىلگەن فورمۋلا بويىنشا ايقىندالادى: سق = ن x جوك x وك ح جس, مۇندا: جوك – جانۋارلاردىڭ ءوسىم كوەففيتسيەنتى; سق – تولەماقى مولشەرى (قۇستار); وك – ولجالاۋ كوەففيتسيەنتى; ن – ولجالاۋدىڭ ءنورماتيۆتى ءليميتى; جس – جانۋارلار سانى. 5. وزگە دە شارۋاشىلىق ماقساتتاردا (اڭ اۋلاۋ مەن بالىق اۋلاۋدان باسقا) پايدالانىلاتىن جانۋارلار تۇرلەرىن پايدالانعانى ءۇشىن تولەماقى مولشەرىن ايقىنداۋ 8. وزگە دە شارۋاشىلىق ماقساتتاردا (اڭ اۋلاۋ مەن بالىق اۋلاۋدان باسقا) پايدالانىلاتىن جانۋارلار تۇرلەرىن پايدالانعانى ءۇشىن تولەماقى مولشەرى تومەندە كەلتىرىلگەن فورمۋلا بويىنشا ايقىندالادى: سشم = ءجو ح وك x جس, مۇندا: ءجو – جانۋارلاردىڭ ءوسىم كوەففيتسيەنتى; سشم – تولەماقى مولشەرى وك – ولجالاۋ كوەففيتسيەنتى; (باسقا دا شارۋاشىلىق ماقساتتاردا پايدالانۋ); جس – جانۋارلار سانى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 26 قاڭتاردا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12924 بولىپ ەنگىزىلدى.